کہنے والے کہتے ہیں کہ آئندہ ہونے والی جنگیں پانی کی تقسیم پر ہوں گی۔ بھارت نے پانی روک کر پاکستان میں آجکل پانی کی قلت پیدا کر رکھی ہے۔ دریا خشک ہو رہے ہیں اور زمینیں بنجر ہو رہی ہیں۔ بھارت کا وفد پانی پر مذاکرات کیلیے پاکستان آ رہا ہے۔ چہ جائیکہ ہم بھارت کے ساتھ مذاکرات کی تیاری کرتے ہم آپس میں ہی پانی کی تقسیم پر متفق نہیں ہو رہے ۔ اس خبر کیمطابق ہمارے صوبے ہی نہ صرف پانی کی تقسیم پر الجھ پڑے بلکہ گالی گلوچ پر اتر آئے۔ اگر بھارت یہ خبر پڑھے گا تو وہ اور بھی شیر ہو جائے گا۔ لگتا ہے ہم پانی کی تقسیم پر پڑوسیوں کیساتھ جنگ لڑنے کی بجائے آپس میں ہی لڑ کر تاریخ کے اندیشے سچ ثابت کرنے پر تلے ہوئے ہیں۔

Comments (0)